Articles

 
کارگل ۔ سکردو روڈ سمیت ریاست جموں کشمیر و اقصائے تبتہا کے تمام قدیمی اور قدرتی راستے آمد و رفت کے لیئے کھولے جائیں ۔
کرتار پور سرحد کو مذہبی زائرین کے لیئے کھول دینے کے بعد کارگل سکردو ، استور بارامولا اور شاردہ پیتھ کو نہ کھولنے کا کوئی جواز اور منطق موجود نہیں ۔
اگر کوئی نتیجہ اخذ کیا جا سکتا ہے تو وہ یہی ہے کہ پاکستان اور بھارت پاکستانی اور بھارتی عوام کے لیئے مختلف رویے رکھتے ہیں اور ریاست جموں و کشمیر و اقصائے تبتہا کے عوام کے لیئے مختلف رویے رکھتے ہیں ۔ ریاستی عوام کے ساتھ اس طرح سلوک کیا جاتا ہے جیسے وہ انسان نہیں اور نہ ہی ان کے کوئی حقوق ہیں ۔
اگر سکھ زائرین کے لیئے مذہبی اہمیت کے مقام کی زیارت کی خاطر پاکستان اور بھارت کی بین الاقوامی سرحد پر کرتار پور کو آمدورفت کے لیئے کھولا جا سکتا ہے تو پھر ہندو زائرین کے لیئے کشمیر میں شاردہ پیتھ کو بالکل اسی اصول پر کیوں نہیں کھولا جا سکتا ۔
اور کارگل سکردو روڈ کو بالکل اسی اصول پر بودھ زائرین کے لیئے کیوں نہیں کھولا جا سکتا ۔
یہ امتیازی سلوک ریاست جموں و کشمیر کے عوام کے ساتھ کیوں؟
میں ریاست بھر کے عوام سے مطالبہ کرتی ہوں کہ وہ ریاست کے اندر موجود تمام قدرتی راستوں کو آمد و رفت کی غرض سے کھولنے کے کیئے ایک منظم تحریک کا آغاز کریں ۔
ثمینہ راجہ ۔ جموں و کشمیر 

 
ریاست جموں و کشمیرکے
مہاراجہ ہری سنگھ نے بھارت کےساتھ 26 اکتوبر
1947
کے الحاق کے بعد بھی 20 جون 1949 تک سری نگر حکومت کا سربراہ رہا ۔
دراصل مہاراجہ کے الحاق کی ایک شرط یہ بھی تھی کہ جب تک جنگ بندی نہیں ہو جاتی مہاراجہ حکومتی معاملات کو خود دیکھے گا ۔
جو بندہ 22 اکتوبر 1947 کے حملے کے بعد 20 جون 1949 تک خود حکومت کا سربراہ رہا
اس کو کچھ لوگ کہتے ہیں کہ بھاگ گیا تھا ۔
20 جون 1949 کے بعد مہاراجہ حکومت اپنے جانشین ڈاکٹر کرن سنگھ کو دے کر خود حکومتی معاملات سے علیحدہ ہو گیا ۔
اور 20 جون 1949 سے 17 نومبر 1952 تک ریجنٹ کے طور پر ڈاکٹر کرن سنگھ حکومت کا سربراہ رہا ۔ پھر 17 نومبر 1952 سے 30 مارچ 1965 تک ڈاکٹر کرن سنگھ ریاست کا منتخب صدر رہا ۔ 30 مارچ 1965 کو جب صدر ریاست کا منصب ختم ہوا تو ڈاکٹر کرن سنگھ کو گورنر بنا دیا گیا اور اس منصب پر ڈاکٹر کرن سنگھ 15 مئی 1967 تک فائز رہا ۔
گویا 22 اکتوبر 1947 کے پاکستانی حملے کے بعد لگاتار 15 مئی 1967 تک مہاراجہ ہری سنگھ اور پھر اس کا جانشین مسلسل حکومت کا سربراہ رہا ۔ تو یہ کس طرح کہا جاتا ہے کہ مہاراجہ بھاگ گیا تھا؟ 22 اکتوبر کے حملے کے بعد تقریباً پونے دو سال تک تو مہاراجہ خود سری نگر حکومت کا سربراہ رہا ۔
ان تاریخی حقائق کے باوجود جو لوگ یہ کہتے ہیں کہ چند سو قبائلیوں کے حملے کے بعد مہاراجہ بھاگ گیا تھا ان کو میں کیا نام دوں؟
ملکی تاریخ مسخ کرنے کی اس سے بڑی مذموم سازش اور کیا ہو گی
ثمینہ راجہ ۔ جموں و کشمیر 

اس کا کیا مطلب ہے ؟؟؟

میں پہلے بھی بہت دفعہ عرض کر چکی ہوں کہ ریاست جموں کشمیر و تبتہا ایک کثیر ثقافتی، کثیر مذہبی اور کثیر قومیتی وحدت ہے ۔

دنیا میں کسی بھی وحدت کو برقرار رکھنے کے دو طریقے ہوتے ہیں ۔

تحریر ۔ ثمینہ راجہ ۔ جموں و کشمیر
1 ۔ اس وحدت کے اندر موجود تمام اکائیوں کو باہم مربوط طریقے سے ایک دوسرے کے اندر ضم کر کے ایک ایسی مضبوط مرکزیت تشکیل دی جائے جو تمام اکائیوں کے انفرادی وجود اور شناخت کو رفتہ رفتہ ختم کر کے صرف مرکزی شناخت کو پروان چڑہائے ۔

2 ۔ کسی بھی وحدت کے اندر موجود تمام انفرادی اکائیوں کو ان کی شناخت اور معروضی وجود کے مطابق پروان چڑہایا جائے اور ان کی انفرادیت کا تحفظ کرتے ہوئے باہمی طور پر قابل قبول اور معروضی طور پر قابل عمل ایک ایسی لچکدار اور ڈھیلی ڈھالی مرکزیت قائم کی جائے جس کے اندر تمام انفرادی اکائیاں اپنی اپنی الگ شناخت اور وجود کے مطابق اپنی انفرادی خواہشات کی روشنی میں باہم مل جل کر رہیں ۔

اب قارئین کرام خود سوچ سمجھ لیں کہ ریاست جموں کشمیر و تبتہا کے معروضی حالات میں کس طرح کی وحدت کے متمنی ہیں اور عملی طور پر کشمیر طرح کی وحدت کا قیام ممکن ہے ۔

درج بالا دو ممکنات میں سے کسی ایک کا انتخاب کرنے کے لئیے ہمیں ریاست جموں کشمیر و تبتہا کی مرکباتی اکائیوں لداخ، گلگت، جموں، بلتستان اور کشمیر کی انفرادی صورتحال اور یہاں کے لوگوں کی خواہشات کو مدنظر رکھنا ہو گا ۔

قارئین جانتے ہی ہیں کہ گلگت بلتستان کے لوگوں کو کشمیر، کشمیری شناخت اور کشمیری قیادت کے ساتھ کیا تحفظات ہیں ۔

اب جب گلگت بلتستان کو باقیماندہ ریاست سے کاٹنے کی سازشیں زوروں پر ہیں تو ایسے میں گلگت بلتستان اور ریاست جموں و کشمیر کی یونین کی بقاء کے تناظر میں Save Kashmir کا نعرہ لگانا بہت عجیب اور ناقابل فہم عمل ہے ۔

اس نعرے کا مطلب یہ ہے کہ گلگت بلتستان کشمیر کا حصہ تھا جسے اب کشمیر سے الگ کیا جا رہا ہے اور ہم نے کشمیر کے وجود کو بچانا ہے ۔

وہ تمام قارئین کرام جن کی نظر ریاست جموں کشمیر و تبتہا کی تاریخ، وحدت، تقسیم اور موجودہ سیاست پر ہے وہ جانتے ہیں کہ گلگت بلتستان کے عوام کو کشمیر کی شناخت سے کتنی چڑ ہے ۔

ایسے میں Save Kashmir کا نعرہ گلگت بلتستان کے لوگوں کو اور زیادہ متنفر کر کے اپنے سے دور کرنے کے سوا کچھ نہیں ۔

کشمیر کے نام پر گلگت بلتستان کے عوام کبھی ہمارے ساتھ شامل نہیں ہوں گے ۔

ہمیں اپنی تاریخی یونین کو بچانے کے لئیے ایک نئے عمرانی معائدے کی ضرورت ہے ۔

اس لئیے Save Kashmir نہیں بلکہ Save the Union کا نعرہ لگایا جائے ۔

شاید کہ کسی کے دل میں اتر جائے میری بات ۔
ثمینہ راجہ ۔ جموں و کشمیر

 
ریاست جموں کشمیر و تبتہا :-
ثمینہ راجہ ۔ جموں و کشمیر
کیا پاکستان نے شملہ معائدے کے ذریعے طے نہیں کر رکھا کہ ریاست کے مستقبل کا تعین بھارت کے ساتھ افہام و تفہیم کے ذریعے کیا جائے گا؟
تو پھر گزشتہ ستائیس سال سے اسلحہ اور پیسہ دے کر ریاستی عوام کو مسلسل مروانے کی پالیسی کیوں جاری رکھی گئی ہے؟
ریاست کے جو حصے پاکستان کے قبضے میں ہیں وہاں ایکٹ 74 کے ذریعے پاکستان کی حکمرانی قائم کی گئی ہے ۔
کیا بھارت کے زیرِ انتظام ریاستی علاقوں کو پاکستان کی نسبت آرٹیکل 370 کی وجہ سے زیادہ بہتر آئینی حقوق، شہری اور سیاسی آزادیاں اور اپنے وسائل پر اپنا اختیار حاصل نہیں ہے؟
کیا پاکستان نے کبھی گلگت بلتستان کے وسائل پر گلگت بلتستان کے عوام کا حق تسلیم کیا ہے؟
بابا
جان اور انکے ساتھیوں کو آپنے عوام کے حقوق کی خاطر آواز بلند کرنے کی پاداش میں چالیس چالیس سال تک جیل میں ڈال دیا گیا ہے – کیا یہی بھائی چارہ اور اسلامی اخوت ہے؟
ککیا گلگت بلتستان کے عوام کو انکے ان وسائل کا معاوضہ دیا جاتا ہے جو پنجاب کی تعمیر و ترقی پر صرف کیئے جا رہے ہیں؟
یہ ساری چوری اور سینہ زوری کیوں؟
کیا سیاسی اور جمہوری آزادیوں، بنیادی انسانی حقوق اور تعلیم، علاج اور روزگار کا حق مانگنا جرم ہے؟ 

 International Day of Human Rights.
December 10 is International Human Rights Day. On this day in 1948, the United Nations General Assembly adopted the Universal Declaration of Human Rights. Each December 10th, it’s important for us to reflect on the important gains we have made in advancing human rights in our province that flow directly from this declaration. It’s also critical to recognise that we’re still a long way from true equality for all.

10th of December دسمبر کی 10 تاریخ انسانی حقوق کا عالمی دن ۔  ثمینہ راجہ ۔ جموں و کشمیر ۔ آج دسمبر کی 10 تاریخ ہے اور دنیا آج انسانی حقوق کا عالمی دن منا رہی ہے ۔ یہ دن 10 دسمبر 1948 کو اقوام متحدہ کی جنرل اسمبلی کی جانب سے انسانی حقوق کے اعلامئے کو یو این چارٹر کا حصہ بنائے جانے کی منظوری دیے جانے کی یاد میں منایا جاتا ہے ۔ اس دن کی مناسبت سے میں ریاست جموں کشمیر و اقصائے تبتہا کے عوام کی توجہ ریاست کے مختلف حصوں میں انسانی حقوق کی صورتحال کی جانب مبذول کروانا چاہتی ہوں اور قارئین کو دعوت فکر دیتی ہوں کہ وہ خود تجزیہ کریں کہ ہمارے ملک میں انسانی حقوق کی صورتحال کیا ہے ۔ کسی بھی محتاط اور ذمہ دارانہ غور و فکر کے بعد نتیجہ یہی نکلتا ہے کہ ہمارے وطن میں انسانی حقوق کی صورتحال انتہائی تشویشناک ہے ۔ ہمارا یہ قومی اور سیاسی فریضہ بنتا ہے کہ ہم اس صورتحال کو بہتر بنانے کے لئیے فوری جدوجہد کی خاطر کوئی لائحہ عمل مرتب کریں ۔  ہمارا وطن انتظامی اور سیاسی طور پر چار حصوں میں تقسیم ہے ۔ اس میں سے چین کے زیر انتظام حصہ (جو پھر دو حصوں اقصائے چن اور شکسگام پر مشتمل ہے) تو انسانی حقوق کے معاملے سے اس لئیے مستثنی' ہے کہ وہاں کوئی مستقل آبادی موجود نہیں ۔ تاہم ہمارے وطن کے باقی کے تین حصے بھارتی زیر انتظام جموں کشمیر و لداخ، پاکستانی زیر انتظام جموں کشمیر اور پاکستانی زیر انتظام گلگت بلتستان بہرصورت انسانی حقوق کے مسائل سے دوچار ہیں ۔  میں انتظامی اور سیاسی طور پر منقسم اپنے ملک کے ان تینوں حصوں میں انسانی صورتحال کا یہاں جائزہ پیش کروں گی ۔ کسی بھی سماج میں بنیادی انسانی حقوق کے تصور کو سمجھنے کے لئیے اس کے عناصر ترکیبی کو سمجھنا ضروری ہے اور یہ عناصر ترکیبی درج ذیل ہیں: 1۔ آزادی 2۔ امن 3۔ عدل و انصاف 4۔ مساوات 5۔ قانون کی حکمرانی 6۔ خوشحالی 7۔ عزت و احترام 8۔ اعتماد 9۔ امید ۔۔۔ میں اب ان عالمی پیمانوں کے معیار پر ریاست جموں کشمیر و اقصائے تبتہا کی صورتحال کا جائزہ لیتی ہوں ۔ گلگت بلتستان ریاست جموں کشمیر و اقصائے تبتہا کا آئینی حصہ ہے ۔ یہ علاقے ریاست کے صوبے تبتہا (لداخ) کا حصہ ہیں اور ماضی کے متعدد راجواڑوں اور ریاستوں کو باہم ملا کر ڈوگرہ دور میں ایک مشترکہ و متحدہ انتظامی اکائی کے طور پر ابھر کر سامنے آئے مگر 1947 میں انہیں تقسیم کر دیا گیا اور تب سے یہ علاقے پاکستان کے کنٹرول میں ہیں ۔  پاکستانی زیر انتظام جموں و کشمیر کو شاعرانہ اصطلاح میں "آزادکشمیر" کہا جاتا ہے ۔ یہ علاقے درحقیقت ریاست کے صوبہ جموں اور صوبہ کشمیر کے ڈوگری بولنے والے علاقے ہیں جو اب دس اضلاع میں تقسیم ہیں ۔ ان میں سے ضلع مظفرآباد، ضلع جہلم وادی اور ضلع نیلم وادی اگرچہ انتظامی طور پر ریاست کے صوبہ کشمیر کا حصہ تھے مگر یہ سب ڈوگرہ زبان، تہذیب اور ثقافت کا حصہ ہیں ۔ گویا نام نہاد آزادکشمیر جن علاقوں پر مشتمل ہے وہ سب کے سب ڈوگری زبان کے مختلف لب و لہجے (dialects) بولنے والے علاقے ہیں اور تمدنی، ثقافتی اور تہذیبی اعتبار سے یہ علاقے کشمیر وادی کا حصہ نہیں ہیں ۔  ریاست کے پاکستان کے زیر انتظام ان حصوں کے علاوہ جموں، لداخ اور کشمیر وادی بھارت کے کنٹرول میں ہیں ۔ ریاست کے ان تمام علاقوں میں بنیادی انسانی حقوق کی خلاف ورزیاں ایک معمول کی بات ہے ۔  بنیادی انسانی حقوق کے تمام اجزائے ترکیبی ایک دوسرے کے ساتھ مربوط اور منسلک ہیں اور کسی ایک کے بغیر کسی دوسرے عنصر کا وجود مشکل ہوتا ہے ۔  1۔ آزادی: جہاں تک آزادی کا تصور ہے تو 1947 سے ہمارے وطن کے عوام کو آزادی کے جگنو کے پیچھے بھگایا جا رہا ہے ۔ پاکستان نے جہاں ایک طرف اپنے زیر انتظام علاقوں کے عوام کو گولی دے رکھی ہے کہ ان علاقوں کے سب لوگ مسلمان ہیں اور انہوں نے 1947 میں ایک ظالم ہندو حکمران سے آزادی حاصل کر کے اپنا مستقبل ایک اسلامی ملک کے ساتھ وابستہ کر لیا ہے وہیں بھارت کے زیر انتظام علاقوں کی مسلمان آبادی کو پاکستان مسلسل اکسا رہا ہے کہ وہ لوگ غیر مسلموں کے تسلط میں ہیں اور ان غیرمسلموں کے خلاف جہاد کر کے ان سے آزادی حاصل کرنا اور پھر پاکستان میں شامل ہونا ان کا بنیادی مذہبی فریضہ ہے ۔ مگر حقیقت یہ ہے کہ خود پاکستان کے زیر انتظام علاقوں کے عوام کو کوئی آزادی حاصل نہیں ۔ نہ بولنے کی آزادی، نہ لکھنے کی آزادی، نہ مذہب کی آزادی، نہ زبان کی آزادی، نہ اپنے وسائل پر ملکیت کی آزادی، نہ اپنی شناخت کی آزادی، نہ اپنے لئیے قانون سازی کی آزادی اور نہ اپنے مستقبل کا تعین کرنے کی آزادی ۔  جہاں تک بھارت کے زیر انتظام علاقوں کا تعلق ہے تو اگرچہ وہ لوگ پاکستان کی نسبت زیادہ بہتر آزادیوں سے مستفید ہو رہے ہیں مگر پھر بھی کامل آزادی کا تصور وہاں بھی محال ہے ۔ ببارت کے زیر انتظام علاقوں میں بھی عوام کو اپنے وسائل پر ملکیت، اپنے مستقبل کے تعین کے حوالے سے آپشنز اور اپنے لئیے قانون سازی کی آزادی کے حقوق حاصل نہیں ہیں ۔ 2۔ امن معاشرے میں امن کے لئیے کامل آزادی کا وجود ضروری ہوتا ہے ۔ جہاں آزادی نہیں ہوتی وہاں امن ممکن نہیں ۔ کسی بھی معاشرے میں امن کے قیام کے لئیے آزادی کے علاوہ قانون کی حکمرانی، عدل و انصاف اور مساوات کا قیام بھی لازمی شرائط ہیں ۔ ریاست جموں و کشمیر میں کے پاکستانی زیر انتظام علاقوں میں تو شروع سے ہی ان میں سے کوئی بھی عنصر موجود نہیں ۔ لیکن 1990 سے بھارتی زیر انتظام علاقوں میں بھی اب سماجی اور سیاسی امن مفقود ہے ۔ وجوہات کچھ بھی ہوں کسی بھی جگہ امن کا قیام ریاستی مشینری کا بنیادی فریضہ اور عوام کا بنیادی انسانی حق ہوتا ہے اور بھارتی زیر انتظام علاقوں کے عوام بھی امن سے محروم ہیں ۔ 3۔ عدل و انصاف پاکستانی زیر انتظام علاقوں میں حکومتی اور محکمانہ کرپشن، اقرباء پروری، برادری و قبیلائی تعصبات، سیاسی رشوت ستانی، سیاسی بنیادوں پر امتیازی سلوک، نامناسب قوانین اور جانبدارا عدلیہ کے باعث عوام عدل و انصاف کو ترس رہے ہیں ۔ اس ضمن میں اگرجہ بھارتی زیر انتظام علاقے نسبتاً بہتر آئینی و قانونی کیفیت میں ہیں تاہم وہاں بھی علاقائی و مذہبی امتیاز، اور مرکزی و ریاستی مفادات کے ٹکراؤ کے باعث عدل و انصاف کی صورتحال مثالی نہیں ہے ۔ 4۔ مساوات مساوات کے تصور کو سماجی، قانونی اور معاشی طور پر تقسیم کر کے سمجھا جا سکتا ہے ۔ ریاست جموں کشمیر و اقصائے تبتہا کے تمام علاقے سماجی اور معاشی عدم مساوات کا شکار ہیں ۔ اگرچہ قانونی مساوات کے شعبے میں بھارتی زیر انتظام علاقوں کو کسی حد تک پاکستانی زیر انتظام علاقوں پر برتری حاصل رہی ہے مگر 1990 سے جاری کشمیر وادی کی عسکری تحریک نے اس برتری کو بھی اب مٹا دیا ہے اور سیز فائر لائن کے دونوں اطراف اب صورتحال کم و بیش ایک جیسی ہے ۔ 5۔ قانون کی حکمرانی قانون کی حکمرانی کا تعلق عدلیہ کی آزادی، عدلیہ اور انتظامیہ کے تعلقات کار اور عمومی سماجی رویوں پر ہوتا ہے ۔ پاکستان چونکہ ایک غیر جمہوری اور عسکری ریاست ہے اس لئیے پاکستان کے زیر انتظام علاقوں میں تو قانون کی حکمرانی کا تصور ممکن نہیں ۔ مگر بھارتی زیر انتظام علاقوں میں بھی گزشتہ تیس سالوں سے صورتحال نہایت ابتری کا شکار ہے ۔ اور یہ کہنا بیجا نہ ہو گا کہ سیز فائر لائن کے دونوں اطراف میں قانون کی بالادستی اور فراہمی کا تصور صرف کتابوں میں پایا جاتا ہے ۔ عملی طور پر ہمارا ملک اس نعمت سے محروم ہے ۔ 6۔ خوشحالی جہاں تک خوشحالی کے تصور کا تعلق ہے تو یہ صرف معاشی خوشحالی تک ہی محدود نہیں ۔ معاشی خوشحالی سے زیادہ سماجی خوشحالی اہم ہوتی ہے اور سماجی خوشحالی کا قیام ریاست اور عوام کے باہمی تعلقات کی نوعیت اور آئین و قانون کی پیروی اور عملداری سے جنم لیتا ہے ۔ ہمارا وطن معاشی خوشحالی کی دولت سے تو اس لئیے محروم رہا ہے کہ ہمارے قدرتی اور انسانی وسائل ہماری اپنی ملکیت میں نہیں رہے ۔ ہمارا ہمیشہ معاشی و اقتصادی استحصال ہوا ہے اور ریاست کی دولت کو ریاست کے عوام پر خرچ نہیں کیا گیا ۔  مگر بدقسمتی سے ہمارے ملک کے تمام حصوں میں عوام اور حکمرانوں کے تعلقات کار بھی کبھی بھی مثالی نہیں رہے ۔ ہمارے حکمران اپنے آپ کو عوام کا خادم سمجھنے کے بجائے ان کا حاکم سمجھتے رہے ہیں اور بیرونی قابضین نے اس تصور کو اور زیادہ تقویت دی ہے ۔ ان عوامل کے باعث ہمارے وطن کے تمام حصے معاشی و سماجی خوشحالی سے بدستور ناآشنا ہیں ۔ 7۔ عزت و احترام 8۔ اعتماد 9۔ امید سماجی امید و سکون، معاشرتی اعتماد و خوداعتمادی اور باہمی عزت و احترام کا چولی دامن کا ساتھ ہے ۔ جہاں تک عوام کی عزت و احترام کا تعلق ہے تو اس کا انحصار آئین و قانون کی بالادستی و فراہمی، تعلیم و علم و ادب کی کیفییات اور بنیادی سماجی رویوں کی نوعیت پر نوعیت پر ہوتا ہے ۔ معاشرے میں باہمی عزت و احترام کی موجودگی معاشرتی اعتماد اور امید کو جنم دیتی ہے ۔ ترقی یافتہ دنیا میں کسی انسان کے ساتھ اونچی آواز میں بات کرنا، گاڑی کا ہارن بجانا اور اونچی آواز میں موسیقی سننا بھی دوسروں کی عزت و احترام کے منافی سمجھا جاتا ہے ۔ تمام سرکاری دفاتر اور حکومتی شعبوں میں عوام کے ساتھ عزت و احترام کے ساتھ پیش آنا فرض منصبی سمجھا جاتا ہے ۔ مگر ہماری ریاست میں حکومت ہو یا معاشرے کے بااثر افراد وہ دوسروں کی تذلیل و تحقیر کرنا اپنا حق سمجھتے ہیں ۔ اور یہ سماجی و نفسیاتی عارضہ ریاست کے تمام حصوں میں پایا جاتا ہے ۔ اس لئیے نہ ہی تو ہمارے ملک میں باہمی عزت و احترام کا وجود ہے اور نہ ہی سماجی و انفرادی اعتماد و خوداعتمادی اور امید و سکون جنم لے سکتے ہیں ۔  اس تجزیے کی بنیاد پر میں یہ رایے قائم کرنے میں حق بجانب ہوں کہ ہمارے ملک میں بنیادی انسانی حقوق دستیاب نہیں اور ابھی عوام کو ان کے حصول کے لئیے ایک طویل اور صبرآزما جدوجہد کرنی پڑے گی ۔ مگر المیہ یہ ہے کہ بنیادی انسانی حقوق کے حصول میں عالمی برادری اور اقوام متحدہ بھی ہماری خاطرخواہ مدد کرنے سے عاجز ہیں ۔  تحریر: ثمینہ راجہ ۔ جموں و کشمیر ۔ 

 The National State Narrative.
Produced by Sameena Raja - J&K
Main Features of the State Narrative are as under:
1.
State of Jammu and Kashmir was founded on 16 March 1846 through the Treaty Of Amritsar. There was no State prior to the 16th March 1846 and the claim that our country existed before 16th March 1846 is false.
2.
Those who consider the Amratsar Treaty as a sale deed basically negate the National, Political and State foundations.
3.
Maharajah Gulab Singh is the founder of our State. We are citizens of the country which was created by Mahrajah Gulab Singh. All citizens of this country are called State Subjects and we all must identify ourselves with this State identity.
4.
This State was named as the State of Jammu and Kashmir and later on as the areas of Gilgit Baltistan & Ladakh were annexed to the State it was given the name as the State of Jammu Kashmir and Aksai Tibetha. State boundaries were finally determined in 1885, total area of the State was pronounced to be 85806 sq miles. These boundaries were recognised by Britain, China and Russia.
5.
4th Dogra king Maharajah Hari Singh formulated State Subject Rules in 1927. These rules established the State as a National State. These laws must be protected and preserved in all parts of the divided State, otherwise our national, political, social and cultural existence will be diluted and diminished.
6.
In 1947, while the Subcontinent was being divided into two countries on religious grounds, 564 princely states failed to survive this onslaught and lost their political and national existance except the State of Jammu and Kashmir. The State ruler Mahrajah Hari Singh took all necessary and very wise steps to defend the State. He refused to join either India or Pakistan and decided to establish the country as an independent State. Mahrajah took all political, legal and constitutional steps to protect the State's independence and so became the founder of the ideology of the Independent State of Jammu and Kashmir. Had the Mahrajah decided to join either India or Pakistan, there would have been no concept of our independent country and there would have been no political struggle to keep the State independent of Pakistan and India. It was only Mahrajah who conceived this idea of an independent country and then practically fought for his ideology. Thus Mahrajah is undoubtedly the founder of the ideology of an independent State of Jammu and Kashmir.
7.
The puppets of Britain, Pakistan and India joined hands to defeat the Mahrajah and conspired to divide the State. Pakistan invaded the State on 22nd October 1947 which forced State government to seek Indian military help in exchange of temporary accession treaty which was signed on 26 October 1947. Had there been no invasion by Pakistan, Mahrajah would have never executed an agreement with the Indian government to enter the State. Thus Indian military arrival in the State was enforced by Pakistan who left no choice for Mahrajah but to seek Indian military help which later on transformed into Indian control.
8. The State government handed in only Defence, Foreign Affairs and Communication portfolios to the Indian Union and in all other matters the State was internally independent under the accession treaty having its own President, Prime Minister, Judicial System, Constitution and National Flag. India took control of the State through the elected parliament of the State and all these steps are not rectified by the people of the whole State, thus they are illegal and unconstitutional and must be challenged at all forums.
9. The State is a multi ethnic, multi religious and multi nationalities entity. The State can only be reunified through a new social contract among all the religious, geographic and ethnic entities. This new social contract must constitutionally guarantee the control of all legislative and economic affairs to the religious, ethnic, cultural and geographic entities except the defence, foreign affairs and telecommunications. The new social contract must be based on the principles of complete economic, legislative, religious and constitutional independence for all the State entities.
10. The State is now divided among China, India and Pakistan and can only be reunited through peaceful democratic and political struggle. Any armed, militant, violent or Jehadi struggle cannot secure reunification and independence of our country.
11.
Reunification of the State is the prime political objective at the moment and no other option can guarantee the protection of identity, economic prosperity and political stability for the people of Jammu and Kashmir. Any independence struggle without the reunification of the State would only bring about further divisions and demise of the State. Since 1947 there has been no real struggle for the reunification of the State and rest of the movements have all failed due to the lack of reunification demand.
12.
The State has tremendous natural resources and if these resources are spent on the people of the State, they can become richest and most prosperous nation of the region. Thus control of all our natural and economic resources must be the core demand of any political struggle.
13.
National And political autonomy of the State can only be restored under an exclusive secular social set up. No other political system or social philosophy can bring about peace and reunification in the State. The State must adopt the total and uncompromising laissez faire policy of religious independence. Only such a secular policy can save and secure the State reunification.
Our basic policy should be that the religion is a private matter and State equally belongs to each and everyone.
14.
People of the State can only reunite if an indigenous struggle is organised under the State identity and all its National Features which existed on 15 August 1947. If the political struggle is not organised under the national flag and the State name of the 1947, its ought to fail as no consensus can be achieved on these very sensitive issues before reunification and formation of the independent State parliament. Only an elected parliament of the reunified State could take decisions to bring about any changes to such sensitive national denominations.
Sameena Raja - Jammu and Kashmir. 

 
2018 رخصت ہوا ۔۔۔
زندگی کا ایک سال اور بیت گیا ۔۔۔
آئیے ہم سب اس سال کا تجزیہ کریں کہ ہم نے بحثیت قوم کیا کھویا اور کیا پایا؟
ہم نے اپنے ملک میں

 بنیادی انسانی، سیاسی، آئینی، قانونی اور شہری حقوق کو بہتر بنانے کے لئیے کیا کردار ادا کیا؟
اور پھر اسی تناظر میں 2019 کے سال کے لئیے کچھ عہد و پیمان کرتے ہیں ۔
ہر آدمی اپنے معروضی حالات میں وطن اور قوم کے لئیے کچھ نہ کچھ ایسا ضرور کرنے کا عہد کرے جس سے ملک و قوم کے سیاسی، سماجی، آئینی، معاشی اور قانونی مستقبل پر مثبت اثرات مرتب ہوں ۔
میری دعا ہے کہ اللہ پاک یہ نیا سال ہماری ریاست کے تمام مذاہب کے لوگوں کے درمیان اتفاق، باہمی محبت، بھائی چارے اور اخوت کے قیام کا سال بنا دے ۔
اللہ کرے یہ نیا سال ریاست جموں کشمیر و تبتہا کے لیے امن اور خوشحالی کا پیغام لیکر آئے ۔ آمین 

 ظلم اور ناحق خون کشمیر وادی میں روزمرہ کا معمول ہے ۔
واقعے کی ذمہ داری جس پر بھی عائد ہوتی ہو حکومت اور بھارتی ایجینسیاں اس صورتحال سے بری الذمہ قرار نہیں دی جا سکتیں ۔
ہم اس ناحق خون پر بھارت اور ریاستی حکومت کی بھرپور مذمت کرتے ہیں اور ان حالات کو بھارت کے جمہوری چہرے پر سیاہ دھبہ قرار دیتے ہیں ۔
ضرورت اس امر کی ہے کہ کشمیریوں کے زخموں پر مرہم رکھا جائے اور تشدد و جوابی تشدد کی راہ ترک کر کے بات چیت کا عمل شروع کیا جائے ۔
مسئلے کا حل جب بھی ہوا بات چیت کے ذریعے ہی ہو گا ۔
فائرنگ اور جوابی فائرنگ خانہ جنگی کی علامت ہے اور کسی مسئلے کا حل نہیں ۔
تمام فریقین کو اب اس خون خرابے کو خیرباد کہنا ہو گا ۔
ثمینہ راجہ ۔ جموں و کشمیر 

  
  :-ریاست کی ذمہ داریاں اور عوام کے حقوق
ہماری ریاست کا کوئی وجود ہی نہیں ہے ۔ ہماری ریاست 1947 سے تقسیم ہے اور بیرونی ممالک کے قبضے میں ہے ۔ ریاست کا اپنا کوئی اقتدارِ ا علی' نہیں ۔۔۔ ایسے میں ریاست کی زمہ داریوں پر بات کرنا بہت قبل از وقت ہے ۔
تاہم عوام کے حقوق پر بات کی جانی چاہئیے ۔
اگرچہ عوام کے حقوق کی مکمل پاسداری ریاست کے وجود کی بحالی اور اقتدارِ اعلی' کے دوبارہ حصول سے ہی مشروط ہے تاہم درمیانی عرصے میں عوامی حقوق کی وکالت کی واحد صورت عوام کے ساتھ حقیقی ربط و تعلق کے ذریعے ہی ممکن ہے ۔
اس تمہید کے بعد میں ریاست جموں کشمیر و اقصائے تبتہا کے عوام کی توجہ ریاست کے مختلف حصوں میں انسانی حقوق کی صورتحال کی جانب مبذول کروانا چاہتی ہوں اور قارئین کو دعوت فکر دیتی ہوں کہ وہ خود تجزیہ کریں کہ ہمارے ملک میں انسانی حقوق کی صورتحال کیا ہے ۔ کسی بھی محتاط اور ذمہ دارانہ غور و فکر کے بعد نتیجہ یہی نکلتا ہے کہ ہمارے وطن میں انسانی حقوق کی صورتحال انتہائی تشویشناک ہے ۔ ہمارا یہ قومی اور سیاسی فریضہ بنتا ہے کہ ہم اس صورتحال کو بہتر بنانے کے لئیے فوری جدوجہد کی خاطر کوئی لائحہ عمل مرتب کریں ۔
ہمارا وطن انتظامی اور سیاسی طور پر چار حصوں میں تقسیم ہے ۔ اس میں سے چین کے زیر انتظام حصہ (جو پھر دو حصوں اقصائے چن اور شکسگام پر مشتمل ہے) تو انسانی حقوق کے معاملے سے اس لئیے مستثنی' ہے کہ وہاں کوئی مستقل آبادی موجود نہیں ۔
تاہم ہمارے وطن کے باقی کے تین حصے بھارتی زیر انتظام جموں کشمیر و لداخ، پاکستانی زیر انتظام جموں کشمیر اور پاکستانی زیر انتظام گلگت بلتستان بہرصورت انسانی حقوق کے مسائل سے دوچار ہیں ۔
میں انتظامی اور سیاسی طور پر منقسم اپنے ملک کے ان تینوں حصوں میں انسانی صورتحال کا یہاں جائزہ پیش کروں گی ۔
کسی بھی سماج میں بنیادی انسانی حقوق کے تصور کو سمجھنے کے لئیے اس کے عناصر ترکیبی کو سمجھنا ضروری ہے اور یہ عناصر ترکیبی درج ذیل ہیں:
1۔ آزادی
2۔ امن
3۔ عدل و انصاف
4۔ مساوات
5۔ قانون کی حکمرانی
6۔ خوشحالی
7۔ عزت و احترام
8۔ اعتماد
9۔ امید ۔۔۔
میں اب ان عالمی پیمانوں کے معیار پر ریاست جموں کشمیر و اقصائے تبتہا کی صورتحال کا جائزہ لیتی ہوں ۔
گلگت بلتستان ریاست جموں کشمیر و اقصائے تبتہا کا آئینی حصہ ہے ۔ یہ علاقے ریاست کے صوبے تبتہا (لداخ) کا حصہ ہیں اور ماضی کے متعدد راجواڑوں اور ریاستوں کو باہم ملا کر ڈوگرہ دور میں ایک مشترکہ و متحدہ انتظامی اکائی کے طور پر ابھر کر سامنے آئے مگر 1947 میں انہیں تقسیم کر دیا گیا اور تب سے یہ علاقے پاکستان کے کنٹرول میں ہیں ۔
پاکستانی زیر انتظام جموں و کشمیر کو شاعرانہ اصطلاح میں "آزادکشمیر" کہا جاتا ہے ۔ یہ علاقے درحقیقت ریاست کے صوبہ جموں اور صوبہ کشمیر کے ڈوگری بولنے والے علاقے ہیں جو اب دس اضلاع میں تقسیم ہیں ۔ ان میں سے ضلع مظفرآباد، ضلع جہلم وادی اور ضلع نیلم وادی اگرچہ انتظامی طور پر ریاست کے صوبہ کشمیر کا حصہ تھے مگر یہ سب ڈوگرہ زبان، تہذیب اور ثقافت کا حصہ ہیں ۔ گویا نام نہاد آزادکشمیر جن علاقوں پر مشتمل ہے وہ سب کے سب ڈوگری زبان کے مختلف لب و لہجے (dialects) بولنے والے علاقے ہیں اور تمدنی، ثقافتی اور تہذیبی اعتبار سے یہ علاقے کشمیر وادی کا حصہ نہیں ہیں ۔
ریاست کے پاکستان کے زیر انتظام ان حصوں کے علاوہ جموں، لداخ اور کشمیر وادی بھارت کے کنٹرول میں ہیں ۔
ریاست کے ان تمام علاقوں میں بنیادی انسانی حقوق کی خلاف ورزیاں ایک معمول کی بات ہے ۔
بنیادی انسانی حقوق کے تمام اجزائے ترکیبی ایک دوسرے کے ساتھ مربوط اور منسلک ہیں اور کسی ایک کے بغیر کسی دوسرے عنصر کا وجود مشکل ہوتا ہے ۔
1۔ آزادی:
جہاں تک آزادی کا تصور ہے تو 1947 سے ہمارے وطن کے عوام کو آزادی کے جگنو کے پیچھے بھگایا جا رہا ہے ۔ پاکستان نے جہاں ایک طرف اپنے زیر انتظام علاقوں کے عوام کو گولی دے رکھی ہے کہ ان علاقوں کے سب لوگ مسلمان ہیں اور انہوں نے 1947 میں ایک ظالم ہندو حکمران سے آزادی حاصل کر کے اپنا مستقبل ایک اسلامی ملک کے ساتھ وابستہ کر لیا ہے وہیں بھارت کے زیر انتظام علاقوں کی مسلمان آبادی کو پاکستان مسلسل اکسا رہا ہے کہ وہ لوگ غیر مسلموں کے تسلط میں ہیں اور ان غیرمسلموں کے خلاف جہاد کر کے ان سے آزادی حاصل کرنا اور پھر پاکستان میں شامل ہونا ان کا بنیادی مذہبی فریضہ ہے ۔
مگر حقیقت یہ ہے کہ خود پاکستان کے زیر انتظام علاقوں کے عوام کو کوئی آزادی حاصل نہیں ۔ نہ بولنے کی آزادی، نہ لکھنے کی آزادی، نہ مذہب کی آزادی، نہ زبان کی آزادی، نہ اپنے وسائل پر ملکیت کی آزادی، نہ اپنی شناخت کی آزادی، نہ اپنے لئیے قانون سازی کی آزادی اور نہ اپنے مستقبل کا تعین کرنے کی آزادی ۔
جہاں تک بھارت کے زیر انتظام علاقوں کا تعلق ہے تو اگرچہ وہ لوگ پاکستان کی نسبت زیادہ بہتر آزادیوں سے مستفید ہو رہے ہیں مگر پھر بھی کامل آزادی کا تصور وہاں بھی محال ہے ۔ ببارت کے زیر انتظام علاقوں میں بھی عوام کو اپنے وسائل پر ملکیت، اپنے مستقبل کے تعین کے حوالے سے آپشنز اور اپنے لئیے قانون سازی کی آزادی کے حقوق حاصل نہیں ہیں ۔
2۔ امن
معاشرے میں امن کے لئیے کامل آزادی کا وجود ضروری ہوتا ہے ۔ جہاں آزادی نہیں ہوتی وہاں امن ممکن نہیں ۔ کسی بھی معاشرے میں امن کے قیام کے لئیے آزادی کے علاوہ قانون کی حکمرانی، عدل و انصاف اور مساوات کا قیام بھی لازمی شرائط ہیں ۔ ریاست جموں و کشمیر میں کے پاکستانی زیر انتظام علاقوں میں تو شروع سے ہی ان میں سے کوئی بھی عنصر موجود نہیں ۔ لیکن 1990 سے بھارتی زیر انتظام علاقوں میں بھی اب سماجی اور سیاسی امن مفقود ہے ۔ وجوہات کچھ بھی ہوں کسی بھی جگہ امن کا قیام ریاستی مشینری کا بنیادی فریضہ اور عوام کا بنیادی انسانی حق ہوتا ہے اور بھارتی زیر انتظام علاقوں کے عوام بھی امن سے محروم ہیں ۔
3۔ عدل و انصاف
پاکستانی زیر انتظام علاقوں میں حکومتی اور محکمانہ کرپشن، اقرباء پروری، برادری و قبیلائی تعصبات، سیاسی رشوت ستانی، سیاسی بنیادوں پر امتیازی سلوک، نامناسب قوانین اور جانبدارا عدلیہ کے باعث عوام عدل و انصاف کو ترس رہے ہیں ۔ اس ضمن میں اگرجہ بھارتی زیر انتظام علاقے نسبتاً بہتر آئینی و قانونی کیفیت میں ہیں تاہم وہاں بھی علاقائی و مذہبی امتیاز، اور مرکزی و ریاستی مفادات کے ٹکراؤ کے باعث عدل و انصاف کی صورتحال مثالی نہیں ہے ۔
4۔ مساوات
مساوات کے تصور کو سماجی، قانونی اور معاشی طور پر تقسیم کر کے سمجھا جا سکتا ہے ۔ ریاست جموں کشمیر و اقصائے تبتہا کے تمام علاقے سماجی اور معاشی عدم مساوات کا شکار ہیں ۔ اگرچہ قانونی مساوات کے شعبے میں بھارتی زیر انتظام علاقوں کو کسی حد تک پاکستانی زیر انتظام علاقوں پر برتری حاصل رہی ہے مگر 1990 سے جاری کشمیر وادی کی عسکری تحریک نے اس برتری کو بھی اب مٹا دیا ہے اور سیز فائر لائن کے دونوں اطراف اب صورتحال کم و بیش ایک جیسی ہے ۔
5۔ قانون کی حکمرانی
قانون کی حکمرانی کا تعلق عدلیہ کی آزادی، عدلیہ اور انتظامیہ کے تعلقات کار اور عمومی سماجی رویوں پر ہوتا ہے ۔ پاکستان چونکہ ایک غیر جمہوری اور عسکری ریاست ہے اس لئیے پاکستان کے زیر انتظام علاقوں میں تو قانون کی حکمرانی کا تصور ممکن نہیں ۔ مگر بھارتی زیر انتظام علاقوں میں بھی گزشتہ تیس سالوں سے صورتحال نہایت ابتری کا شکار ہے ۔ اور یہ کہنا بیجا نہ ہو گا کہ سیز فائر لائن کے دونوں اطراف میں قانون کی بالادستی اور فراہمی کا تصور صرف کتابوں میں پایا جاتا ہے ۔ عملی طور پر ہمارا ملک اس نعمت سے محروم ہے ۔
6۔ خوشحالی
جہاں تک خوشحالی کے تصور کا تعلق ہے تو یہ صرف معاشی خوشحالی تک ہی محدود نہیں ۔ معاشی خوشحالی سے زیادہ سماجی خوشحالی اہم ہوتی ہے اور سماجی خوشحالی کا قیام ریاست اور عوام کے باہمی تعلقات کی نوعیت اور آئین و قانون کی پیروی اور عملداری سے جنم لیتا ہے ۔ ہمارا وطن معاشی خوشحالی کی دولت سے تو اس لئیے محروم رہا ہے کہ ہمارے قدرتی اور انسانی وسائل ہماری اپنی ملکیت میں نہیں رہے ۔ ہمارا ہمیشہ معاشی و اقتصادی استحصال ہوا ہے اور ریاست کی دولت کو ریاست کے عوام پر خرچ نہیں کیا گیا ۔
مگر بدقسمتی سے ہمارے ملک کے تمام حصوں میں عوام اور حکمرانوں کے تعلقات کار بھی کبھی بھی مثالی نہیں رہے ۔ ہمارے حکمران اپنے آپ کو عوام کا خادم سمجھنے کے بجائے ان کا حاکم سمجھتے رہے ہیں اور بیرونی قابضین نے اس تصور کو اور زیادہ تقویت دی ہے ۔ ان عوامل کے باعث ہمارے وطن کے تمام حصے معاشی و سماجی خوشحالی سے بدستور ناآشنا ہیں ۔
7۔ عزت و احترام
8۔ اعتماد
9۔ امید
سماجی امید و سکون، معاشرتی اعتماد و خوداعتمادی اور باہمی عزت و احترام کا چولی دامن کا ساتھ ہے ۔
جہاں تک عوام کی عزت و احترام کا تعلق ہے تو اس کا انحصار آئین و قانون کی بالادستی و فراہمی، تعلیم و علم و ادب کی کیفییات اور بنیادی سماجی رویوں کی نوعیت پر نوعیت پر ہوتا ہے ۔
معاشرے میں باہمی عزت و احترام کی موجودگی معاشرتی اعتماد اور امید کو جنم دیتی ہے ۔ ترقی یافتہ دنیا میں کسی انسان کے ساتھ اونچی آواز میں بات کرنا، گاڑی کا ہارن بجانا اور اونچی آواز میں موسیقی سننا بھی دوسروں کی عزت و احترام کے منافی سمجھا جاتا ہے ۔ تمام سرکاری دفاتر اور حکومتی شعبوں میں عوام کے ساتھ عزت و احترام کے ساتھ پیش آنا فرض منصبی سمجھا جاتا ہے ۔ مگر ہماری ریاست میں حکومت ہو یا معاشرے کے بااثر افراد وہ دوسروں کی تذلیل و تحقیر کرنا اپنا حق سمجھتے ہیں ۔ اور یہ سماجی و نفسیاتی عارضہ ریاست کے تمام حصوں میں پایا جاتا ہے ۔ اس لئیے نہ ہی تو ہمارے ملک میں باہمی عزت و احترام کا وجود ہے اور نہ ہی سماجی و انفرادی اعتماد و خوداعتمادی اور امید و سکون جنم لے سکتے ہیں ۔
اس تجزیے کی بنیاد پر میں یہ رایے قائم کرنے میں حق بجانب ہوں کہ ہمارے ملک میں بنیادی انسانی حقوق دستیاب نہیں اور ابھی عوام کو ان کے حصول کے لئیے ایک طویل اور صبرآزما جدوجہد کرنی پڑے گی ۔ مگر المیہ یہ ہے کہ بنیادی انسانی حقوق کے حصول میں عالمی برادری اور اقوام متحدہ بھی ہماری خاطرخواہ مدد کرنے سے عاجز ہیں ۔
تحریر:
ثمینہ راجہ ۔ جموں و کشمیر 

 تاریخ کا غیرجانبداری سے مطالعہ کیجئیے اور اپنے وطن کے سیاسی واقعات کی سچائیوں کا کھوج لگائیے:-
آزادکشمیر کے کچھ دانشور کہتے ہیں کہ 1947 میں مہاراجہ کے مظالم سے تنگ آ کر عوام نے انقلاب برپا کیا اور مہاراجہ کا تختہ اُلٹ دیا، یہ کیسا انقلاب تھا اور کس طرح کا تختہ اُلٹا گیا کہ 15 مئی 1967 تک مہاراجہ ہری سنگھ کا بیٹا ریاست کا آئینی سربراہ رہا ۔ اس ریاست کا جس کے بارے میں یہاں یہ باور کرایا جاتا ہے کہ ایک عوامی انقلاب کے ذریعے اسے آزاد کرایا گیا ۔ جب انقلاب آتا ہے تو جن کا تختہ اُلٹا جاتا ہے ان کے پورے کے پورے خاندانوں کو جڑ سے اکھاڑ کر پھینک دیا جاتا ہے ۔ فرانس میں لوئیس XVI کے خلاف انقلاب، روس میں زار کے خلاف انقلاب اور ایران میں رضا شاہ پہلوی کے خلاف انقلاب اس کی زندہ مثالیں ہیں ۔ یہ کہنا کہ ہم نے مہاراجہ کے خلاف انقلاب برپا کیا ہماری تاریخ کا سب سے بڑا جھوٹ ہے ۔
مہاراجہ ہری سنگھ کا خاندان 15 مئی 1967 تک ریاستی اقتدار میں شریک رہا ۔
مہاراجہ حکومت نہ تو ظالم و جابر تھی اور نہ ہی نااہل کہ اسے ریاستی امور سے بیدخل کیا جا سکتا ۔
دراصل 1947 میں آزادکشمیر اور گلگت بلتستان میں پاکستانی حملے اور اس سازش میں سہولت کاری فراہم کرنے کا مقصد ان علاقوں کو ریاست سے کاٹ کر پاکستان کی تحویل میں دینا اور ریاست کو تقسیم کرنا تھا ۔ صرف یہی دو اہداف تھے 1947 کے غدر کے ۔ اگر عوامی انقلاب یا حقوق کہیں ایجنڈے پر ہوتے تو بنیادی انسانی، سیاسی اور معاشی حقوق کو جس طرح سے آزادکشمیر اور گلگت بلتستان میں 1947 کے بعد پامال کیا گیا ایسا کبھی نہ ہوتا ۔ سردار ابراہیم صاحب اور کرنل مرزا حسن صاحب کا مقصد عوام کو ڈوگرہ حکومت سے نجات دلانا نہیں تھا بلکہ انہوں نے پاکستان کے ساتھ ساز باز کر کے ریاستی وسائل کو پاکستانی قبضے میں دینے کے لئیے 1947 میں ریاستی عوام کے حقوق، مفادات اور مستقبل کا سودا کیا ۔ میں آزادکشمیر کے عوام سے گزارش کرتی ہوں کہ وہ خود تحقیق کریں اور اپنے وطن کی تاریخ اور سیاست کو سمجھیں ۔ اگر وہ ایسا نہیں کرتے تو ان کا مستقبل ہمیشہ تاریک اور دوسروں کے سائے تلے رہے گا ۔ انہیں کبھی حقوق نہیں ملیں گے اور عوام کبھی خوشحال نہیں ہوں گے ۔
ثمینہ راجہ ۔ جموں و کشمیر 

برادری ازم کی سیاست:
اس سیاست کے لئیے ایک برادری کی ضرورت ھوتی ھے اور وہ برادری کون لوگ ھیں - ھم سارے - اگر ھم خود برادری کے گرداب میں نہ گریں تو برادری ازم بھی ختم ھو جائے گا اور برادری کی سیاست کرنے والے بھی - ثابت ھوا کہ اصل مسئلہ ھم عوام الناس خود ھیں -
(تحریر ثمینہ راجہ - جموں و کشمیر)
چند مخصوص گهرانوں کی اجارہ داری:
یە اجارہ داری بھی بنیادی طور پر ھمارے سماجی رویوں کے باعث ھی قائم ھوتی ھے - اگر ھم اپنے رویوں کو بدلنے میں کامیاب ھو جائیں تو اس لعنت سے کافی حد تک چھٹکارا مل سکتا ھے - اس اجارہ داری کے پیچھے دوسرا بڑا عمل دولت ھے - اکثر دولت مند لوگ اپنا سماجی مقام اونچا کرنے کے لئیے دولت کا استعمال کرتے ھیں اور کافی حد تک کامیاب بھی رھتے ھیں - لیکن اگر ھم دولت پسندی اور دولت کیشی سے مرعوب ھونے کے بجائے اصول پسندی اور کردار کو اھمیت دیں تو اس لعنت سے نجات ممکن ھے -
غریب کا مسلسل استحصال:
اس استحصال کے پیچھے بھی بنیادی طور پر دولت پسندی ھی کارفرما ھوتی ھے - تاھم قانون اور عدالت نظام کی کمزوریاں بھی اس صورتحال کا موجب بنتی ھیں - گھوم پھر کر بات پھر ھم پر ھی آ کر رکتی ھے - اگر ھم قانون کو مذاق بنانے والوں کے خلاف صف آراء ھو جائیں اور اپنے ووٹ کی طاقت کا استعمال کر کے اپنے حکمرانوں کو بہتر قانون سازی پر مجبور کریں تو صورتحال کافی بدل سکتی ھے - اس ضمن میں وکلاء اور سول سوسائٹی اھم کردار ادا کر سکتی ھے -
تعلیم، صحت اور دیگر شعبوں کی ناقص کارگردگی کا بنیادی سبب مناسب قوانین کی عدم موجودگی، عدالتی نظام کی خرابیاں اور قانون پر عملدرامد کے لیئیے سماجی سطح پر قوت ارادی کا فقدان ھمارے اداروں کی تباھی کا سبب ھے -
تبدیلی راتوں رات نہیں آئے گی - یہ عمل خاصا سست رفتار اور صبر آزما ھو گا - تاھم کبھی نہ کبھی اس عمل کو شروع تو کرنا ھی پڑے گا - تو پھر آج اور ابھی سے اس عمل کا آغاز کیوں نہ کیا جائے -

اس ساری تحریک کو منظم کرنے کے لئیے ایک غیر سیاسی سماجی پلیٹ فارم کا قیام بھی کرنا ھو گا جو سارے عمل کو مربوط اور منظم انداز میں آگے بڑھا سکے -
مگر بنیادی بات اقبال والی ھے؛
جو ھو ذوق یقیں پیدا تو کٹ جاتی ھیں زنجیریں -
(ثمینہ راجہ - جموں و کشمیر)

س وقت کشمیر وادی کی جو صورتحال ہے اس پر دنیا کے ہر امن پسند، جمہوریت نواز، محبِ وطن اور عوام دوست سیاسی کارکن کا دل خون کے آنسو رو رہا ہے ۔
بھارت وادی میں جاری علیحدگی پسندی کی تحریک کو کچلنے کے لیئے جو حربے استعمال کر رہا ہے اور جس انداز میں کشمیر وادی میں عوامی بغاوت سے نمٹنے کے لیئے ریاستی طاقت کا بے دریغ استعمال کیا جا رہا ہے اس کی جتنی بھی مذمت کی جائے کم ہے ۔
میں پہلے بھی بہت دفعہ لکھ چکی ہوں کہ بھارت ایک سیکولر اور جمہوری ملک ہے اور G20 کا ممبر ہے ۔ بھارت اپنا جو چہرہ دنیا کو کشمیر وادی میں دکھا رہا ہے اس سے وادی کے اندر جاری تحریک تو خیر ختم نہیں ہو رہی البتہ بھارت کی ساکھ دنیا میں برے طریقے سے متاثر ہو رہی ہے ۔ یوں وادی کی تحریک کو اس اعتبار سے تحریک کی فتح اور بھارت کی شکست قرار دیا جا سکتا ہے کہ جب سے تحریک شروع ہوئی ہے بھارت مسلسل گھاٹے میں جا رہا ہے اور ہزاروں جانیں گنوا کر بھی تحریک ابھی پوری قوت کے ساتھ جاری ہے ۔
حریت اور حکومت کی لڑائی میں وادی کے معصوم شہری تباہ و برباد ہو رہے ہیں ۔
محبت اور دوستی سب کے ساتھ
جنگ اور نفرت کسی سے نہیں
امن اور جمہوریت ہماری جدوجہد کا محور ہے ۔
تشدد، جنگ اور طاقت کا استعمال مسائل کو حل نہیں کرتا بلکہ مسائل کو بڑھاتا ہے ۔
ہمیں ایک دوسرے کے ساتھ ملنے بھی نہیں دیا جاتا
میں اس پالیسی کو ایک احمقانہ قدم قرار دیتی ہوں اور سمجھتی ہوں کہ اس طرح کی پالیسیاں فریقین کو ایک دوسرے سے اور زیادہ دور کر دیں گی ۔
میں ذاتی طور پر اس تحریک میں شامل تشدد کے عنصر کی وجہ سے اس کی مکمل حمایت نہیں کر سکتی لیکن پھر بھی میری ہمدردیاں تحریک کے ساتھ ہیں ۔
میں امن، دوستی، اخوت، بھائی چارے اور عدم تشدد کی قائل ہوں اور سمجھتی ہوں کہ تمام تنازعات اور اختلافات کا واحد اور دیرپا حل فریقین کے درمیان بامقصد مذاکرات کے ذریعے ہی ممکن ہو سکتا ہے ۔
تشدد، جنگ اور طاقت کا استعمال مسائل کو حل نہیں کرتا بلکہ مسائل کو بڑھاتا ہے ۔
حکومت کی طرف سے طاقت کا اندھادھند استعمال اور تحریک کی طرف سے تشدد کی راہ پر اصرار یکساں طور پر معصوم اور امن پسند عوام کی زندگیوں کو جہنم بنائے ہوئے ہے ۔
دونوں فریقین کو اپنے اپنے موقف میں لچک اور اپنی پالیسیوں میں تبدیلی پیدا کرنے کی ضرورت ہے ۔
کہ امن اسی طرح ممکن ہو سکے گا ۔
ورنہ جس طرح دو سانڈوں کی لڑائی میں جھاڑیاں تباہ ہوتی ہیں ۔
بالکل اسی طرح
حریت اور حکومت کی لڑائی میں وادی کے معصوم شہری تباہ و برباد ہو رہے ہیں ۔
محبت اور دوستی سب کے ساتھ
جنگ اور نفرت کسی سے نہیں
امن اور جمہوریت ہماری جدوجہد کا محور ہے ۔
ثمینہ راجہ ۔ جموں و کشمیر